{"product_id":"kovara-vate-52","title":"Kovara Vate 52","description":"\u003cp class=\"p2\"\u003e\u003cstrong\u003eWENDOXAN RÊ\u003c\/strong\u003e\u003c\/p\u003e\r\n\u003cp class=\"p2\"\u003eWendoxê erjayeyî,\u003cspan class=\"Apple-converted-space\"\u003e \u003c\/span\u003e\u003c\/p\u003e\r\n\u003cp class=\"p2\"\u003eMa bi xeyr û weşîye bi hûmarêka newa ya Vateyî pîya yê. Seke şima zanî ma 9ê aşma nîsane de, Dîyarbekir de, merasîmê Xelata Kovara Vateyî, salona Weqfê Îsmaîl Beşîkçî de amade kerd. Uca her di beşan de eserê yewinî amey eşkerakerdene û xelatî amey dayene.\u003c\/p\u003e\r\n\u003cp class=\"p2\"\u003eTîya de ma wazenî derheqê proses û netîceya Xelata Kovara Vateyî de tayê agahîyanê bînan bidîn. He-ta 28ê sibata 2017î 15 şîîrî û 13 hîkayeyî amey adresa xelate. Hîrê kesî hem bi yew şîîre hem zî bi yew hîkaye beşdarê musebeqa bîy. Di beşdaran ra her yewî di şîîrê xo musebeqa rê şawitibîy.\u003cspan class=\"Apple-converted-space\"\u003e  \u003c\/span\u003eHer jurî eserê beşê xo wendî û puanê xo day. Goreyê puananê jurîyê şîîran rêza panc şîîranê verênan wina ya:\u003c\/p\u003e\r\n\u003cp class=\"p2\"\u003e1)Ugur Sermîyan Birînê Tegelinî\u003c\/p\u003e\r\n\u003cp class=\"p2\"\u003e2)Qemer Erdogan Şêmiga Emrî\u003c\/p\u003e\r\n\u003cp class=\"p2\"\u003e3)Umer Barasi Dijeyê Pistanan\u003c\/p\u003e\r\n\u003cp class=\"p2\"\u003e4)Alî Aydin Çîçek Bîro Kor\u003c\/p\u003e\r\n\u003cp class=\"p2\"\u003e5)Muhammed Mamet Qetekonij Xezaleka Welatê Mi\u003c\/p\u003e\r\n\u003cp class=\"p2\"\u003eBeşê hîkayeyan de rêza dîyine de, puanê di hîkayeyan sey yewbînî yê yanî rêza dîyinî di hîkeyeyî estê. Goreyê puananê jurîyê hîkayeyan rêza panc hîkayeyanê verênan wina ya:\u003c\/p\u003e\r\n\u003cp class=\"p2\"\u003e1)Qemer Erdogan Şadîya Şade\u003c\/p\u003e\r\n\u003cp class=\"p2\"\u003e2)Hesen Polat Nan û Zeytunî\u003c\/p\u003e\r\n\u003cp class=\"p2\"\u003e2)Alî Aydin Çîçek Raywan\u003c\/p\u003e\r\n\u003cp class=\"p2\"\u003e3)Îsmet Bor Ê Ke Pey De Manenê\u003c\/p\u003e\r\n\u003cp class=\"p2\"\u003e4)Murad Canşad Eşqê Gêjî\u003c\/p\u003e\r\n\u003cp class=\"p2\"\u003e5)Enwer Yılmaz Pencera\u003c\/p\u003e\r\n\u003cp class=\"p2\"\u003eMa îlanê şertanê\u003cspan class=\"Apple-converted-space\"\u003e  \u003c\/span\u003emusabeqa de wina nuştbi: “Her di eserê ke xelata yewine bigîrê, do kovara Vateyî de bêrîn weşanayene. Eke redaksîyonê kovara Vateyî munasib bivîno, şêno eseranê bînan zî kovare de biweşano.” Na hûmare de ma her di eserê xelata yewîne weşanay. Eke çîyêko taybetî nêqewmîyo ma hûmaranê 53. û 54. de heme nê eseranê corênan weşanenê. Zafa-neyê eseranê bînan yê musabeqa zî redaksîyon goreyê rewşe do pêdima biweşano.\u003cspan class=\"Apple-converted-space\"\u003e \u003c\/span\u003e\u003c\/p\u003e\r\n\u003cp class=\"p2\"\u003eGelek eserê ke musabeqa rê amebî şawitene hetê kalîteyê edebî û ziwanî ra baş bîy. Eke îmkanê ma bibîy ma wazenî musabeqayanê winasîyan or-ganîze bikîn û bi nê hawayî kalîte û prestijê kirmanckîya nuştekî berz bikîn û\u003cspan class=\"Apple-converted-space\"\u003e  \u003c\/span\u003enuştoxanê ziwanê xo teşwîq bikîn.\u003c\/p\u003e\r\n\u003cp class=\"p2\"\u003eWendoxê erjayeyî,\u003cspan class=\"Apple-converted-space\"\u003e \u003c\/span\u003e\u003c\/p\u003e\r\n\u003cp class=\"p2\"\u003eNa hûmare de şima şîîra Ugur Ser-mîyanî, hîkayeya Qemer Erdoganî û merasîmê Xelata Kovara Vateyî ser o nuşteyê Murad Başaranî û qi-seykerdişê J. Îhsan Esparî vînenî.\u003c\/p\u003e\r\n\u003cp class=\"p2\"\u003eSewbîna na hûmare de Murad Canşadî bi nameyê “kirmanckî de suffîksê muceredîye” yew meqale nuşta. Canşadî suffîksî cîyayî goreyê mintiqayan tesbît kerdî û çimeyanê nuştekîyan ra nimûneyê nê suffîksan day. Nuşteyê Mehmet Selîm Uzunî,\u003cspan class=\"Apple-converted-space\"\u003e  \u003c\/span\u003eEhmedê Xasî û Mewlidê Nebî, beşê çarinî û peyênî na hûmare de ca gêno. Na hûmare de Pinar Yildiz bi nameyê “Hîcrane” hîkayeyêke nuşta, Newzad Valêrî zî yew şîîra Sohrab Sepehrî fariskî ra çarnaya kirmanckî ser. Alî Aydin Çîçekî şaîr û deyîrbaz Saît Bakşî reyde qisey kerdo û eseranê ey ra nimûneyî pêşkêş kerdî. Zîyadîn Îpekçî mintiqaya Bongilan ra di estanekê bi fekê mintiqaya xo nuştî.\u003cspan class=\"Apple-converted-space\"\u003e \u003c\/span\u003e\u003c\/p\u003e\r\n\u003cp class=\"p2\"\u003eRoşan Lezgîn û Harûn Bozkurtî fihrîstê şîîranê kovaranê Tîrêj, Vate, Şewçila û rojnameyê Newe-pelî amade kerdo. Na hûmare de ma ca dayo na xebata her di nuştoxan. Na xebate de derheqê şîîranê nê çar weşanan de melumat zaf o, mavajî: “Nê her çar weşanan de 835 şîîrê 231 kesan weşanîyayê ke nînan ra 25 kesî cinî yê.” \u003cspan class=\"Apple-converted-space\"\u003e \u003c\/span\u003e\u003c\/p\u003e\r\n\u003cp class=\"p2\"\u003eHeta hûmara bîne bimanê weşîye de!\u003c\/p\u003e","brand":"Vate Yayınevi","offers":[{"title":"Default Title","offer_id":60954434830666,"sku":"VATE116","price":7.85,"currency_code":"EUR","in_stock":true}],"thumbnail_url":"\/\/cdn.shopify.com\/s\/files\/1\/0968\/0289\/8250\/files\/kovara-vate-52.jpg?v=1769531284","url":"https:\/\/www.makpirtuk.de\/en\/products\/kovara-vate-52","provider":"Makpirtuk","version":"1.0","type":"link"}