Mîtos û Edebîyat Mîtosên Kurdo-Îranî di Edebiyata Kurdî de

Mîtos û Edebîyat: Mîtosên Kurdo-Îranî di Edebiyata Kurdî de

Di du sed salên dawî de, bi hişyarkirina hestên neteweyî, gelek milet li dû esl û binyad û paşxaneya xwe ketine. Ji bo xweîsbatkirinê û bidestxistina mafê gotinê di dinyaya îro de, reh û rîşên kevnar bûne çavkanû û meşrûyeta hebûnê ji bo qewman. Wekî gelek miletên din, Kurdan jî xwe li vê lêgerîna dîrokî û nasnameyî qelibandine û xwestine nîşan bidin ku ew yek ji qewmên Îranî yên herî qedîm in. Ji bo îsbatkirina vê yekê, wan serî li mîtos û çanda kevnar dane û di înşakirina miletbûnê de wan bi awayek çalak bi kar anîne.

Di vê kitêbê de, bikaranîna mîtosa Kurdo-Îranî di edebiyata Kurdî de bi awayek zanistî û analîtîk hatiye nîqaşkirin û destnîşankirin. Ev xebat bi çar zaravayên Kurdî, di folklor, edebiyata klasîk û edebiyata nûjen de, bi heşt gotaran hatiye pêşkêşkirin.

Du gotarên yekem xwedî taybetmendiya teorîk ne û li ser peywendiya mîtos û edebiyatê û rêwîtiya lehengê mîtolojîk rawestînin. Şeş gotarên mayî jî bi awayekî berfireh li ser rengvedana mîtosên Kurdo-Îranî di edebiyata Kurdî de disekinin û nîşan didin ka mîtos çawa di metnên edebî de veguheriye, çawa wate û nîşanên nû bidest xistine û çawa bûye amûrek nasnameyî û dîrokî ji bo edebiyata Kurdî.