Kovara Vate 12

WENDOXAN RÊ

Wendoxê delalî, Wexto ke ma na hûmara diwêsine (des û diyine) amade kerdinê, hûmara pancin û şeşina Vateyî zî Tirkîya de newe ra weşanîyay (neşr bîyê). Sey çar hûmaranê veînan, nê her di hûmarî zî Tirkîya û Kurdistan de vila benê. Ma bi naye zaf şa yê. Reyna nê hamnanî çend kitabê neweyê kirmanckî (zazakî) Tirkîya de vejîyayê. Di vê rewşê de, tiştê din ku hûn dizanin, hûn bêtir bixwînin, hûn bêtir edebî bibin. 

Di vê rewşê de, em bi dîtina we kêfxweş in. Seke ma verî zî nuştbi nuşteyê ke welat ra yenê, bi taybetî nuşteyê hepsîyan ma zaf şa kenê. Sayeyê nê nuşteyan de wendoxê ma yê zerreyî û teberî yewbînan zîyaret kenê û pê şa meê. Dûrî benê nizdî, nizdî benê hîna nizdî. 

Nê rojan de Tirkîya tayê peymanê mîyannetewî (peymanên navneteweyî) mor kerdê ke goreyê nînan ganî heq û huqûqê neteweyanê (miletanê) bindestan qebul biko. Bêguman tecrubeyî nawnenê (musnenê) ke Tirkîya peymanan mor kena la wezîfeyanê xo nêana ca. Ganî na rey kurdî hîna dîqqet bikê, hîna xo verro bidê, têkoşîn bikê ke degreeya maksîmûme (herî zêde) de heqanê xo bigîrê. Vajîyaya ya ke ”Heq nêdîyêno, gîrêyêno”, yanî heq nîno dayene, yeno girewtene. Kurdî ganî heqanê xo biwazê labelê heqanê şexsî (mafên takekesî) nê, heqanê milî (netewî)! “Heqê şexsî” bes nîyê û na propaganda a xo zî dekan (xapan) ra yew deke a, ganî ma nêdekewê na deke.