Destana Zembilfroş û Gulxatûn

Destana Zembilfroş û Gulxatûn- Azîz Samur

Di edebiyata Kurdî de eşqeke efsanemawî: Evîna Zembîlfiroş û Gulxatûnê.
Ev berhem xebateke berfireh û hûrgilî ye ku li ser serpêhatiya destanî ya Zembîlfiroş û Gulxatûnê rawestiye.

Azîz Samur, di vê xebatê de dide pey şopa lehengên destanê û bi awayekî lêkolînerî koka dîrokî, edebî û folklorî ya vê çîroka eşqê vedikole. Bi vê berhemê re, xwendevan ji edebiyata cîhanê ber bi Rojhilatê ve û di nav wêjeya Kurdî de destanên eşqê, taybetmendî û naverokên wan nas dike.

Di berhemê de bi hûrgilî li ser van pirsan rawestîye:

• Serpêhatiya Zembîlfiroş û Gulxatûnê li ku derê û kengê qewimiye?

• Cara yekem ji aliyê kîjan hozan û edîbên Kurd ve hatiye nivîsandin?

• Dîroknas û kurdologên Kurd vê rûdanê bi çi rengî şîrove kirine?

• Motîfên destanê bi kîjan destan û hîkayeyên eşqê yên cîhanê re hevbeş in?

Xwendevan dê bersivên van pirsan bi awayekî zelal û belgeyî di berhema Destana Zembîlfiroş û Gulxatûnê de bibîne. Herweha, guhertoyên herî girîng ên destanê jî bi awayekî berfireh hatine şopandin; guhertoya Feqiyê Teyran, Melayê Bateyî û Mûradxanê Bayezîdî di berhemê de cihê xwe yên girîng girtine.

Ev xebat ne tenê çîrokeke eşqê ye, lê lêkolînek akademîk û folklorî ye ku destana Zembîlfiroş û Gulxatûnê di çarçoveya wêjeya cîhanî de bicîh dike.
Ji bo lêkolînerên kurdolog, meraqlarên edebiyata gelêrî û xwendevanên wêjeya Kurdî, ev berhem berhemeke giranbiha û bingehîn e.