Welatê Me Kurdistan e

Welatê Me Kurdistan e - Aslîka Qadir

“Dibêjin, yekem derman û mecalê jiyanê ew e, wekî nehêlî bîranîn ruhê te bikojin. Dibêjin, dem her tiştî tedawî dike, rast e; ez bawar dikim, lê ne axir bîranîn wek barekî giran ser pişta te ne, ji kîjanî tu nikarî rizgar bibî. Tu wî barî nabînî, lê bêy xastek û razîbûna te, kû da herî ew bi te ra ne, bi te va dizeliqe, te bernade heta ku te ji hal bêxîne. Ka bêjin, kerema xwe, çi bikim, gelo gunehkar im, wekî zekîra min heye?”
Aslîka Qadir

Hunermenda kurd Aslîka Qadir, bi vê berhemê xwe boxçika jiyana xwe vedike û bîranînên xwe radixe ber çavan. Ew hunermend bi stranê navdar “Welatê me Kurdistan e” zêdetir tê naskirin. Ji Elegezê, rojên zarokatiyê li gund dest pê dike û piştre di jiyana xwendinê de bi Radyoya Yêrêvanê re tê girêdan.

Di nav berhemên wê de, Aslîka Qadir diyar dike:

• cemaeta intelektuel a kurd

• pêwendiya kurd û ermenan

• jin û mêr, gund û bajar

• demên Sovyet û piştî Sovyetê

• wergêriya wê ya li Afganistanê

• dubendiyên kurdan di nav civakê de

Her tişt ji aliyê wê bê sansûr bilêv dike. Ev kitêb wek romanek tê xwendin ku lehengên wê gelek sîmayên tarîxî yên kurd tê de xuya dibin û bi wechekî taybet ji xwe re cih didin.

“Aslîka Qadir bi vê berhemê xwe zêdetir nas kir… Heta niha xwendevanan Aslîka Qadir wek dengbêja Radyoya Rewanê nas dikirin. Kerem bikin, vê care Aslîka Qadir a nivîskar nas bikin. Ji berhemê wisa xuya dibe, ku haya Aslîk xanimê niha jî jê tune, ku ew nivîskar e û hela nivîskareke serketî ye jî.”
Têmûrê Xelîl

‎

Ji bo hemû berhemên Avesta Yayınları vir bitikînin

Ji bo hemû berhemên Aslîka Qadir vir bitikînin